Dënim për sulmin fizik ndaj kameramanit të TV24, Ivan Kamçev

Shoqata e Gazetarëve të Maqedonisë – SHGM, dënon ashpër sulmin verbal dhe fizik ndaj kameramanit të TV 24, Ivan Kamçev, gjatë të cilit sulmuesi i’a ka dëmtuar pajisjet.

Kolegu Kamçev teksa po kthehej nga xhirimet e sotme me një koleg nga RTVM-ja, ishte dëshmitar i një aksidenti trafiku në rrugën Gradsko-Prilep afër Rosomanit. Në përpjekje për të dokumentuar ngjarjen, kameramani Kamçev është sulmuar verbalisht dhe më pas fizikisht, me ç’rast i janë dëmtuar pajisjet.

Në një bisedë telefonike menjëherë pas ngjarjes fatkeqe, kolegu Kamçev e ka raportuar rastin në SHGM dhe ka deklaruar:

“Sapo kam filluar të filmoj inserte, më është afruar personi dhe ka filluar të bërtasë, gazetarë tradhtarë, ju po kërkoni vetëm disa të drejta, dhe na është drejtuar me fjalë fyese. Goditi disa herë në drejtimin tim dhe njëherë arriti të godiste stativin dhe të dëmtojë kamerën”.

Rasti është raportuar në MPB, SPB Veles, nga ku kemi informacione se menjëherë pas raportimit janë marrë masa për zbardhjen e rastit.

SHGM do të ndjekë hetimet dhe do të insistojë në përgjegjësinë e personit që e sulmoi fizikisht kameramanin Kamçev dhe e pengoi atë në kryerjen e punës profesionale.

Kujtojmë se sulmi ndaj punonjësit të medias gjatë kryerjes së detyrave profesionale është vepër penale ku Ministria e Brendshme dhe Prokuroria kanë detyrimin të veprojnë në cilësinë e tyre zyrtare. Kërkojmë nga MPB-ja dhe Prokuroria Publike që të bëjnë një hetim të shpejtë dhe efikas në interes të gjetjes dhe dënimit të sulmuesit.