Dënim me kusht për koment me gjuhë të urrejtjes shkruar në faqen e SHGM-së në Facebook
Sot ka arritur vendimi gjyqësor në favor të Shoqatës të Gazetarëve të Maqedonisë (ShGM) për rastin ku nën një postim në faqen e ShGM-së në rrjetin social Facebook është shkruar koment nga një profil me emrin “Sasho Mitev”. Sipas aktgjykimit të Gjykatës Themelore Penale, personi Sasho Mitev është fajtor sipas nenit 394-g të Kodit Penal dhe i shqiptohet dënim me tre muaj burg, i cili nuk do të ekzekutohet nëse nuk e përsërit veprën brenda një viti nga hyrja në fuqi e këtij akti.
Ai në faqen e ShGM-së në Facebook më 28.08.2021 ka shkruar një koment vulgar me gjuhë të urrejtjes, me këtë përmbajtje: “Ju qifsha farën gazetare, pidha genjeshtarë burg i detyrueshem per çdo gazetarë qe perhap panik keto një vit e gjysmë, duhet prere gjuhen çdo gazetari”.
ShGM për këtë koment më 16.08.2021 ka bërë kallëzim në Sektorin për Krime Kompjuterike dhe Forenzikë Digjitale në MPB për përhapje të materialit racist dhe ksenofobik përmes sistemit kompjuterik dhe për nxitje të urrejtjes, përçarjes dhe intolerancës kombëtare, racore, fetare dhe baza të tjera diskriminuese. Kërkesa për veprim penal nga ShGM argumentohet me faktin se komentet e tilla përbëjnë elemente kriminele, por si shtesë rezulton se mosndëshkimi i mundshëm i tyre qartë tregon se hapen mundësitë për nxitje dhe urrejtje shtesë ndaj gazetarëve që mund të rezultojë madje edhe me dhunë.
