Çadikovski vizitoi PSP-në: Të tërhiqet aktakuza kundër Bozhinovskit

Kryetari i Shoqatës së Gazetarëve të Maqedonisë Mlladen Çadikovski sot u takua me prokurorë nga Prokuroria Publike për ndjekjen e veprave penale të cilat kanë të bëjnë dhe rezultojnë nga përmbajtja e ndjekjes së paligjshme të komunikimeve (PSP). Gjatë takimit ato biseduan për rrjedhën e lëndës që PSP udhëheq kundër Zoran Bozhinovskit.

Në pritje të seancës dëgjimore që do të mbahet nesër në ora 12:00 në Gjykatën Penale në Shkup, Çadikovski tha se me akuzat për spiunim, përveç Turqisë, Maqedonia është i vetmi vend në Evropë ku ekzistojnë akuza të tilla ndaj gazetarëve. Ky proces gjyqësor mund të ndikojë seriozisht në imazhin e vendit në botë dhe në institucionet relevante që matin lirinë e medias.

“Akuza të tilla krijojnë efektin e censurës tek gazetarët dhe negativisht ndikojnë në reputacionin e vendit dhe për këtë arsye duhet tërhequr padinë kundër Bozhinovskit, që është duke u zhvilluar për një kohë të gjatë, përtej afateve të arsyeshme,” tha Çadikovski. Përkujtojmë se Shoqata e Gazetarëve të Maqedonisë do të vazhdojë të monitorojë këtë dhe të gjitha proceset e tjera që janë duke u zhvilluar kundër gazetarëve. Në takimin gjithashtu u kërkua nga PSP, gjatë veprimit të respektohen të gjitha konventat ndërkombëtare, në veçanti Konventa Evropiane për të Drejtat e Njeriut dhe praktikat demokratike të kërkuara nga Këshilli i Evropës.

Prokuroria Speciale Publike tregoi mirëkuptim për pozitat dhe kërkesat e bëra dhe u zotua t’i rishqyrtojë ato përsëri.