Çadikovski u takua me euroambasadorin Gir

Numri i zmadhuar i sulmeve ndaj gazetarëve, nevoja për një konsensus më të gjerë mbi zgjedhjen e organeve në ASHMAA dhe RTMV, si dhe përmirësimi i statusit të të drejtave të gazetarëve, ishin në fokus të takimit midis kryetarit të Shoqatës së Gazetarëve të Maqedonisë Mlladen Çadikovski dhe Drejtorit Dragan Sekullovski me euroambasadorin David Gir dhe bashkëpunëtorët e tij të ngushtë.  

U bisedua për situatën në mediat në vend, mënyrat e financimit të tyre në mënyrë që të krijojnë përmbajtje më të mira gazetareske, si dhe sfidat ligjore që priten si kusht për përmirësimin e atmosferës në këtë sektor. 

Çadikovski falënderoi Delegacionin e Bashkimit Evropian për mbështetjen e dhënë në përpjekjet për të nxjerrë në pah problemet kryesore me të cilat përballet sektori, që janë pjesë e raportit të fundit të Komisionit Evropian.  

Sfidat kryesore me të cilat përballen gazetarët gjatë vitit të fundit ishin rritja e numrit të sulmeve ndaj punonjësve mediatik, politika e vazhdueshme e mosndëshkimit dhe vendimet e fundit të gjykatës që janë në dëm të të drejtave të gazetarëve, u theksua në takim.  

“Mbrojtja sistematike e gazetarëve dhe kujdesi në marrjen e vendimeve ligjore në lidhje me punën e RTVM-së dhe mediave private, në përputhje me udhëzimet e Këshillit të Evropës, janë parakusht për përmirësimin e situatës së pafavorshme të sektorit mediatik.”, theksoi Çadikovski.   

Përveç kësaj, Sekullovski i tregoi euroambasadorit që vendi ka nevojë për aktivitet më të madh publik nga Delegacioni i BE-së në rastet kur ndodhin shkelje të të drejtave të punëtorëve mediatik. Gjithashtu, ai theksoi nevojën për një monitorim të intensifikuar si në procesin e hartimit të ligjeve ashtu edhe në procedurat gjyqësore në të cilat njëra nga palët është gazetar. Të pranishmit u pajtuan që është e rëndësishme që bashkëpunimi të vazhdojë në të ardhmen në mënyrë që të përmirësohet mjedisi në të cilin punojnë gazetarët dhe punëtorët mediatik.