BЕ mbështet përpjektet e SHGM për lirinë e fjalës
Shoqata e gazetarëve të Maqedonisë dhe Delegacioni i Bashkimit Europian në Shkup, me rastin e 3 Majit, Ditës ndërkombëtare të lirisë së mediave, sot në Shkup shënoi nisjen e realizimit të projektit “Rrjetëzimi i gazetarëve për lirinë e mediave”, të mbështetur nga Bashkimi Europian.
Media të lira, plurale dhe të pavarura janë esenciale për demokracinë e çdo vendi dhe për mirëqenien e qytetarëve. Ato përmirësojnë transparencën dhe llogaridhënien e autoriteteve lidhur me çështje me interes publik, tha në fjalimin e tij, ambasadori i Delegacionit të Bashkimit Europian, Aivo Orav.
Ambasadori Orav tha se sfidat e Maqedonisë lidhur me lirinë e fjalës janë të shumta, mungesa e raportimit të balancuar dhe të ndershëm, vetëçenzurë e gazetarëve, institucione jotransparente, nevoja për rregullator të pavarur dhe transarencë e pamjaftueshme e finansimit të mediave. “Ne të gjithë e dimë se qytetarët duhet të informohen plotësisht për të qenë në gjendje të ndërtojnë opinion personal dhe të marrin pjesë në procesin e vendimarrjes që ndikojnë ndaj jetëve të tyre”, thekoi Orav. Sipas tij, çdo frikësim dhe dhunë kundër qytetarëve për shprehjen e mendimit të lirë, është e papranueshme.
Kryetari i shoqatës së gazetarëve të Maqedonisë, Naser Selmani u angazhua për solidaritet më të madh me gazetarin Zoran Bozhinovski, i arrestuar në burgun e Shuto Orizares për shkak të aferës Spiun. Selmani shprehu shqetësimin e tij që pjesa dërmuese e mediave i shmangen raportimit për rastin e Bozhinovskit ose refuzojnë të përmendim emrin e tij në daljet publike të SHGM për rastine tij. “Nuk është koha për debat akademik për atë se çfarë është gazetari e mirë, por është koha kritike kur duhet të ruhet besimi se në Maqedoni mund të kemi media të lira dhe profesionale’, theksoi Selmani dhe ftoj gazetarët për solidaritet më të madh me Bozhinovskin.
Drejtori i SHGM, Dragan Sekulovski tha se qëllimi i projektit, i cili do të zbatohet gjatë tre viteve të ardhshme, do të jetë të përmirësohet raportimi i gazetarëve përmes organizimit të trajnimeve të ndryshme dhe forcimit të sistemit të vetërregullimit.
“Projekti parashikon ndjekjen e proceseve gjyqësore për shpifje kundër gazetarëve”, tha Sekullovski. Ai foli edhe për projektin rajonal, në zbatimine të cilit janë përfshirë gjashtë shoqata gazetarësh nga rajoni, me qëllim të promovohet liria e mediave në harmoni me standardet evropiane. Parashihet të ndërtohet një platform online për paralajmërtimin e hershëm, përmes të cilës do të ngritet një rrjetë i përbashkët për lobim të shoqatave të gazetarëve për përmirësimin e legjaslacionit dhe zbatimit të tij në mënyrë adekuate.
