Ankesë në Këshillin Gjyqësor për shkelje të së drejtës së kolegut Kristijan Landov për raportim nga seanca gjyqësore

Gazetari Kristijan Landov javën e kaluar është penguar të kryejë detyrën e tij gazetareske derisa ishte në Gjykatën Civile në Shkup, ku ishte i pranishëm si publik në seancën kryesore.

Pas fillimit të seancës, ekipi gazetaresk i “Makfaks” dhe “A1on” është sulmuar verbalisht nga gjyqtarja Natasha Todorova, me një kërcënim që mund të interpretohet vetëm si përpjekje për censurë dhe pengim në ushtrimin e profesionit të gazetarisë. Pas fillimit të seancës gjyqësore, gjyqtari e identifikoi kolegun Landov si gazetar, i kërkoi legjitimacionin gazetaresk të tij dhe pasi u konstatua se ajo ishte në rregull, ai u ul në pjesën e caktuar për prezencë të publikut. Kur gjyqtarja mbaroi me regjistrimin e pjesës tjetër të të pranishmëve, pa asnjë shpjegim iu drejtua gazetarit me ton të lartë duke thënë: “Çfarë po bëni?” Hiqni atë laptop, menjëherë! Sepse unë do t’jua marrë dhe t’ia çojë kryetarit të gjykatës. Hiqeni, nuk mundet”.

Landov ka sqaruar se laptopi nuk është duke incizuar dhe as nuk ka një mundësi të tillë, por ai e përdor vetëm për të marr shënime nga gjykimi, në mënyrë që të shmangen interpretimet që nuk do të korrespondojnë me atë që ka ndodhur realisht. Gjyqtarja, pa shpjegime sërish i është drejtuar me ton të lartë me fjalët: “Nuk ke çfarë të marrish shënime, procesverbalin e mban gjykata, jo ti. Hiqni gjithçka!”.

Në këtë mënyrë kolegu Landov është penguar që të kryejë punën e tij gazetareske. Shoqata e Gazetarëve të Maqedonisë (SHGM) dënon sjelljen jashtëzakonisht joprofesionale të gjyqtares Natasha Todorova në Gjykatën Civile në Shkup ndaj kolegut Landov. Theksojmë se kjo procedurë është e papërshtatshme dhe paraqet një përpjekje për censurë.

Presim që Këshilli Gjyqësor, të cilit gazetari Landov, me ndihmën e SHGM-së, i ka dorëzuar ankesë, të marrë masa kundër gjyqtares të papërgjegjshme, në mënyrë që të mos lejohet të ndodh në të ardhmen një komunikim të tillë të pashembullt, por edhe t’i mbrojë të drejtat e gazetarëve.