Analizë e të drejtave sociale të gazetarëve të Maqedonisë Lindore

“Gjendja socio-ekonomike e gazetarëve në Maqedoninë Lindore” është analiza më e re e Shoqatës Mlladinski klub – Shtip, e përgatitur nga ana e gazetarëve Toni Mihaillov, Igor Stojanov dhe Ivan Bojaxhiski, në kuadër të projektit “Rrjetëzimi i gazetarëve për lirinë e mediave” i zbatuar nga Shoqata e gazetarëve të Maqedonisë, dhe i mbështetur nga Bashkimi Evropian.

Në këtë analizë janë përfshirë rreth 60 gazetarë të rajonit Lindor, me qëllim të kuptohet gjendja dhe mjedisi në të cilin punojnë gazetarët aty. Në fokus të kësaj analize është respektimi i të drejtave të punës të gazetarëve në mediat në Maqedoninë Lindore.

Hulumtimet tregojnë se gazetarët në Maqedoninë Lindore punojnë për rroga minimale, pa mundësi për pushim vjetor, pa ditë të lira gjatë javës dhe se në pjesën më të madhe të mediave nuk respektohet ligji për marrëdhëniet e punës.

Numrat të cilët dolën nga kjo analizë janë tronditëse. Afër 80% të gazetarëve marrin rroga më të ulëta se rroga mesatare në Republikën e Maqedonisë, pothuajse 75% të gazetarëve do të zëvendësonin profesionin e gazetarisë me ndonjë profesion tjetër. Televizioni i Maqedonisë nuk ka asnjë korrespodent të angazhuar në tërë rajonin lindor, ndërsa Radioja e Maqedonisë ka vetëm tre korrespodent.

Një pjesë e hulumtimit ka përfshirë edhe aspekte të gazetarëve dhe sektorit joqeveritar, ose çfarë mund të bëjë sektori civil në drejtim të përmirësimit të gjendjes së mediave dhe gazetarëve dhe anasjelltas – si gazetarët mund të mbështesin dhe përmirësojnë sektorin civil në shtetin tonë.

Këtë analizë mund ta lexoni në këtë hallkë: Социо-економската положба на новинарите во Источна Македонија