Aktivitete dhe takime rajonale të Seksionit të Kameramanëve pranë SHGM në rajonin e Kërçovës
Përfaqësues të SHGM-së si dhe të Seksionit të Kameramanëve pranë SHGM-së sot në Kërçovë zhvilluan takim pune me kameramanët korrespondentë nga rajoni i Kërçovës në vend. Janë gjithsej pesë kameramanë që i mbulojnë ngjarjet e përditshme nga kjo pjesë e vendit.
Në këtë takim u diskutuan shumë tema që i prekin kolegët korrespondentë, statusi i tyre dhe kushtet në të cilat ata punojnë, si dhe u ndanë përvojat me të cilat ata ballafaqohen çdo ditë.
Nga deklaratat e kolegëve mund të përfundohet se sfida e përditshme me të cilën përballen është siguria e tyre. Në interes të kryerjes së detyrave të tyre të përditshme të punës, kolegët përballen me të gjitha llojet e kërcënimeve nga të ashtuquajturit “sherifë lokalë”, pronarë të lokaleve dhe kompanive të ndërtimit të cilët i fyejnë në mënyrë verbale gjatë kryerjes së detyrave të tyre të punës kur raportojnë për temat aktuale me interes publik në këtë rajon. Përveç korrespodentëve të RTVM-së, kolegët e tjerë punojnë me pajisje dhe teknikë të vjetruar (kamera, pajisje ndihmëse dhe ngjashëm) ose përdorin pajisje të tyre ose të marra me qira, për të cilat nuk marrin asnjë kompensim monetar. Seksioni i Kameramanëve pranë SHGM-së vazhdon me aktivitetet e veta ku mund të dëgjohen, në një vend, sfidat dhe propozimet për përmirësimin e bashkëpunimit dhe kushteve të punës si për kameramanët ashtu edhe për korrespodentët.
