Aktgjykimi i kontestueshëm i gjykatëses Jovanka Spirovska Paneva është regjistruar në Platformën e Hartës së Lirisë së Mediave

Aktgjykimi i kontestueshëm i gjykatëses Jovanka Spirovska Paneva është regjistruar në Platformën e Hartës së Lirisë së Mediave

Një nga njoftimet më të fundit për shtyp mbi rastin e IRL, i publikuar në Platformën Mapping Media Freedom (MMF), thekson këtë si vijon:

Më 24 tetor 2023, gjykatesja Jovanka Spirovska Paneva, në rigjykim në Gjykatën e Apelit në Shkup, ka marrë vendim kundër Laboratorit të Gazetarëve Hulumtues (IRL) dhe kryeredaktores Sashka Cvetkovska për një rast shpifjeje dhe fyerjeje. 

Padinë e ka bërë ish-zëvendëskryeministri dhe biznesmeni i vendit, Koço Angjushev. Gjykatësi e shpalli fajtore organizatën mediatike jofitimprurëse për cenim të imazhit dhe nderit të Angjushev dhe kompanive të tij duke publikuar një dokumentar investigativ të quajtur “Kospiracion kundër ajrit”, transmetuar më 16 maj 2021.

Me sjelljen e aktgjykimit, gazetarët duhet ti paguajnë të gjithë harxhimet ligjore.E njëjta gjykatë më parë kishte vendosur në favor të IRL-së dhe Cvetkovskës, kur ata u urdhëruan të paguajnë një kompensim simbolik për gjoja dështimin për t’i dhënë Angjushev të drejtën e përgjigjes, dhe u urdhëruan të publikojnë aktgjykimin në një gazetë në një faqe të plotë.

Shoqata e Gazetarëve të Maqedonisë, SHGM dhe Sindikata e Pavarur e Gazetarëve dhe Punonjësve Mediatik, SPGPM, rastin e karakterizuan si padi kundër pjesëmarrjes publike (Strategic Lawsuit against Public Participation – SLAPP). Cvetkovska ka paralajmëruar synimin e saj për të shkuar në Gjykatën Evropiane për të Drejtat e Njeriut në Strasburg nëse nuk ndihmon ankesa në gjykatat vendore.

Mapping Media Freedom (MMF) është një platformë që dokumenton shkeljet e lirisë së medias dhe gazetarëve në të gjithë Evropën. Ajo gjithashtu ofron mbështetje ligjore, avokim publik dhe informacion për të ndihmuar në mbrojtjen e gazetarëve dhe punonjësve të medias. Platforma është pjesë e European Centre for Press and Media Freedom (ECPMF) dhe pjesë e Media Freedom Rapid Response (MFRR), një mekanizëm për monitorimin e shkeljeve ndaj lirisë së shtypit dhe medias në vendet anëtare të BE-së dhe vendet kandidate.

Më shumë informacion rreth punës së kësaj platforme mund të gjeni në linkun e mëposhtëm. https://www.mappingmediafreedom.org/methodology/