A ka barazi gjinore në media dhe sa të sigurt janë gazetarët dhe punonjësit mediatik

Shoqata e Gazetarëve të Maqedonisë dhe Sindikata e Gazetarëve dhe Punonjësve Mediatik kanë punuar së bashku në periudhën e kaluar për të rritur vetëdijesimin mbi sigurinë e gazetarëve dhe punonjësve mediatik. Për këtë qëllim u krijuan dy video ku bashkëbisedues ishin Zorana Gaxhovska-Spasovska, gazetare në Radio Evropa e Lirë, Ferikan Iljazi Arifi, gazetare në Euronews Albania, Nita Starova, koordinatore e projektit për çështje gjinore në Fondacionin Fridrih Ebert-Shkup dhe autore e Analizës  e SHGM-së për diskriminim gjinor në media dhe dr. Ivana Stojanovska, udhëheqëse e Njësisë për mbështetje të punës së drejtorit dhe marrëdhënieve me publikun në Agjencinë për Shërbime Mediatike Audio dhe Audiovizuele.

Videot u promovuan më 3 maj, gjatë ngjarjes përmbyllëse të Ditës Ndërkombëtare të Lirisë së Shtypit nën moton: “Gazetarë dhe punonjës mediatik të sigurt për gazetari cilësore në Maqedoninë e Veriut”, që përfshiu një ekspozitë fotografike të titulluar “Pasqyro zërin tënd” përmes të cilave tregohet si është të jesh gazetare femër, punonjës mediatik në Maqedoni.

Qëllimi i videove është të përcillet mesazh ndërgjegjësimi për nevojën për të përmirësuar sigurinë dhe mjedisin socio-ekonomik për gazetarët dhe punonjësit mediatik, si një mënyrë për të avancuar lirinë e shprehjes që janë të drejta themelore të njeriut, si dhe për të përforcuar rolin të shoqatave mediatike në procesin e krijimit të politikave.

Videot janë realizuar me mbështetjen financiare të Trustit Ballkanik për Demokraci – projekt ky i Fondit Gjerman Marshall të Shteteve të Bashkuara dhe Ministrisë së Punëve të Jashtme Norvegjeze.