Akademia për gazetarë dhe punonjës të mediave ka filluar me punë – trajnimi i parë iu kushtua përballjes me stresin, traumën dhe shterimin profesional
Me realizimin e trajnimit të parë me temë “Përballja me stresin, traumën dhe shterimin profesional”, Akademia për gazetarë dhe punonjës mediatikë – T-AJM zyrtarisht filloi me punë (https://tajm.org.mk/). Trajnimi u zhvillua në një atmosferë interaktive dhe kishte për qëllim të forcojë kapacitetet e gazetarëve për përballimin e sfidave profesionale, veçanërisht në kohë stresi të shtuar dhe pasigurie.
Kryetari i Shoqatës së Gazetarëve të Maqedonisë (SHGM), Mlladen Çadikovski, i përshëndeti pjesëmarrësit, duke theksuar se Akademia përfaqëson një fillim të ri dhe një platformë për zhvillimin e gazetarisë edhe më profesionale.
“Këtu do të formohen gjeneratat e reja të gazetarëve – profesionistë që e dinë pse janë këtu, për kë punojnë dhe çfarë do të thotë përgjegjësia para publikut”, theksoi Çadikovski.
Trajnimi përfshiu një qasje interaktive dhe ushtrime praktike përmes të cilave pjesëmarrësit u njohën me lloje dhe burime të ndryshme të stresit, mësuan teknika për njohjen dhe analizën e simptomave, si dhe ndërhyrje në raste të tensionit psikologjik.
Ky trajnim përfaqëson një hap të rëndësishëm drejt përmirësimit të mirëqenies psiko-sociale të gazetarëve dhe punonjësve të mediave, veçanërisht në kushte të sfidave të shtuara profesionale dhe pasigurie.
Trajnimi është realizuar me mbështetje financiare nga Bashkimi Evropian, në kuadër të projektit “Akademi trajnimi për gazetarë dhe punonjës mediatikë – T-AJM”. Për përmbajtjen e trajnimit përgjegjës është ekskluzivisht Shoqata e Gazetarëve të Maqedonisë dhe ajo nuk pasqyron domosdoshmërisht qëndrimet e Bashkimit Evropian.
