СЈО да го превземе случајот на новинарот Божиновски

Претставници на Здружението на новинарите на Македонија денеска во Специјалното јавно обвинителство имаа средба со обвинителката Катица Јанева и нејзините соработници.

Претседателот на ЗНМ Насер Селмани ја информираше обвинителката Јанева за случајот на новинарот Зоран Божиновски, кој два месеца е во притвор затоа што Јавното обвинителство го осомничи за разни кривични дела. Божиновски во април беше екстрадиран од Србија и до сега против него нема формално обвинение.

Селмани побара од Јанева да го превземе одвоениот предмет на новинарот Божиновски од обвинителството за организиран криминал, поради неговата поврзаност со предметот „Шпион“, врз кој СЈО веќе има воспоставено надлежност.

Правниот застапник на Божиновски веќе достави и формално барање до СЈО за преземање на случајот.