SafeJournalists: Во Загреб нападната хрватска новинарка по одржувањето на Парадата на гордоста

На 3 јули, Теа Папоња, новинарка од весникот „24 часа“, беше физички нападната на плоштадот Марулиќ во Загреб по одржувањето на Парадата на гордоста.

По завршувањето на Парадата на гордоста, Теа Папоња пристигнала на плоштадот Марулиќ околу 22:30 часот и забележала полициски возила и група полицајци како стојат околу група млади момчиња со две девојчиња. Таа слушнала од собраните дека оваа група го пали знамето на ЛГБТ заедницата. Таа му пришла на полицаецот и се претставила како новинар и го прашала што се случило, но тој само ја замолил да се оддалечи.

Потоа таа застанала настрана и го фотографирала самиот настан. Еден од групата се приближил до неа во друштво на девојче и и рекол „Зошто ја фотографираш мојата девојка, к …?“ Кога одговорила дека е новинарка и го спомнала палењето на знамето, тој и рекол дека неговата девојка не го запалила знамето.

Потоа девојчето кое го навредуваше новинарот налета на неа и ја удри со тупаница во главата пред полицијата. Новинарката Папоња се бранеше, а собраните лица се обидувале да ги разделат, дури потоа полицијата ги опколи хулиганите и ги чуваше сè до доаѓањето на полициското комбе. Реагирала полицијата и го уапсила напаѓачот.

По нападот, Теа Папоња даде изјава пред полицијата и беше прегледана од страна на медицинските лица на брзата помош. Таа изјави дека сè уште не сфатила што точно и се случило и додаде: „Се надевам дека институциите ќе постапат според законот и дека девојчето што ме нападна ќе биде осудено“.

Хрвоје Зовко, претседател на Хрватското здружение на новинари, изјави дека: „ова е доказ за атмосферата во која работат нашите колеги, и да не заборавиме дека тие работат во атмосфера во која новинарите и медиумите се обвинети дека се виновни за сè. Земјата мора да застане на патот на таквата атмосфера и да реагира на ова прашање. Време е оние кои се осмелуваат да ги нападнат новинарите само затоа што ја вршат својата работа да знаат дека ќе одговараат за своите постапки. Новинарската професија е од јавен интерес и ќе остане така “.

Мрежата „SafeJournalists“, која претставува повеќе од 8.200 професионалци во медиумите од Западен Балкан, се придружува на својот член ХНД во осудата за нападот врз новинарката Теа Папоња. Иако полицијата реагираше, мрежата на ,,SafeJournalists” очекува дека сторителите ќе бидат санкционирани. Исто така, бараме од институциите да ги заштитат своите граѓани и новинари и да испратат јасна порака до јавноста дека ваквото однесување е неприфатливо, за да не се повторат вакви работи.

Мрежата на „SafeJournalists“ ќе ги информира релевантните национални и меѓународни чинители за овој случај.

Секој напад врз новинари е напад врз јавниот интерес, демократијата и правата на сите граѓани.

Скопје – Белград – Подгорица – Приштина – Сараево – Загреб, 06.07.2021 година.

Здружение на новинари на Македонија

Здружение на новинари на Косово

Здружение на новинари на БХ

Здружение на хрватски новинари

Здружение на независни новинари на Србија

Синдикат на медиуми на Црна Гора