Осуда на нападот врз екипата на НОВА ТВ

Здружението на новинарите на Македонија го осудува нападот во Скопје врз новинарската екипа на НОВА ТВ, извршен од страна на претставник на граѓанската иницијатива за собирање на потписи против изградба на бегалски кампови во Македонија.

Нападот врз екипата на НОВА ТВ е недвосмислен атак врз слободата на говорот и правото на граѓаните да бидат информирани.

Ја повикуваме опозицијата да го повика членството и своите поддржувачи да престанат веднаш со напади против новинари затоа што политиката на насилство е погубна.

Охрабрени сме од брзата реакција на Министерството за внатрешни работи, кое веднаш го идентификува лицето, го повика на информативен разговор и најави кривична пријава за насилство.

Изградба на ефикасен систем за казнување на секое насилство против новинарските екипи е најдобрата превенција слични инциденти да не се повторат во иднина.