Одговор на претставка поднесена од д-р Ненад Живановски за фотографија на насловната страница на “Слободен печат“ и насловот – коментарот кон неа: “Вмровците ги покажаа забите“

Советот на честа на ЗНМ, на седницата одржана на 17.04.2018 година ја разгледуваше претставката поднесена од д-р Ненад Живановски за објавената фотографија на насловната страница на “Слободен печат“ на 15 март 2018 година со наслов – “Вмровците ги покажаа забите“.

Советот утврди дека со објавената фотографија не се прекршени начелата од Кодексот на новинарите на Македонија. Фотографијата е автентична од протестот што се одржа ден претходно пред Собранието на Македонија, а лицата кои што учествуваат на јавни настани, треба да бидат свесни дека може да бидат под лупата на медиумите. Новинарите имаат право од различни агли да известуваат за настани од јавен интерес. Плурализмот во медиумите е важен сегмент од слободата на изразување.