Обука за новинари за пишување проекти

Здружението на новинарите на Македонија во рамките на проектот „Мрежа на новинари за медиумските слободи “ организираше дводневна обука на тема: Подготовка на ЕУ проекти.

На обуката учествуваа координатори на регионалните центри како и новинари кои на годишното собрание на ЗНМ ја истакнаа потребата за обука на оваа тема.

За време на обуката учесниците имаа можност да научат како се дефинира тема за развој на проект за специфична донаторска програма, како се прави анализа на главните предизвици и на крај како да подготват апликација за ЕУ проект.

Дополнително, пред учесниците на оваа обука беше промовирана и публикација напишана од самиот обучувач. Во неа, авторот презентираше различни методологии за успешно аплицирање на проектни повици.

Обуката претставува уште една иницијатива на ЗНМ, преку која излегува во пресрет на колегите новинари сакаат да имаат пристап до европските фондови за реализација на разни идеи што можат да придонесат за зајакнување на слободата на изразувањето.