Новинарот Божиновски даде исказ пред истражен судија

Новинарот Зоран Божиновски денеска даде исказ пред истражен судија по барањето за спроведување на истрага поднесено од Јавното обвинителство за гонење на организиран криминал и корупција од септември 2013 година.
Како што бевме информирани од неговите адвокати, ангажирани од ЗНМ, во својот исказ Божиновски категорично ги негирал сите наводи дека сторил било кое од кривичните дела кои му се ставаат на товар.
Тој ги изнел и причините заради кои смета дека Обвинителството не располага со докази со кои може да ги потврди наводите изнесени во барањето за спроведување на истрага. Предеметот на Божиновски е сеуште во фаза на истрага.
По завршување на распитот, одбраната поднесе предлог за укинување на притворот.