Здружението на новинарите на Македонија во соработка со Македонското здружение на млади правници и Високиот комесаријат за бегалци при Обединетите нации – УНХЦР распишува  “Јавен повик за доделување на награда за професионално известување за состојбата на бегалците при мешаните миграциски движења за 2018 година во Република Северна Македонија”.

Поднесените прилози  и фотографии ќе бидат оценувани од страна на Комисија составена од истакнати новинари, фоторепортери и медиумски експерти од Здружението на новинарите на Македонија, членови на Македонското здружение на млади правници и претставници oд Претставништвото на УНХЦР во Скопје. Комисијата ќе го оценува секој поднесок поединечно фокусирајќи се на тоа како е прикажана приказната на бегалците и дали содржи карактеристики на професионално известување.

Поднесоците треба да припаѓаат во следниве категории:

• Напис или серија написи
• Емисија, прилог, краток документарец
• Фотографија

Прилозите треба да се фокусираат на искуството на бегалците,  барателите на азил и потенцијалните баратели на азил, како и да имаат придонесено кон запознавање и подигнување на свеста на широката јавност на теми поврзани со нив.

Сите доставени поднесоци ќе бидат оценувани врз основа на следните критериуми:

• Претставува авторско новинарско остварување објавено во медиум во текот на 2018 година (од 01.01.2018 година до 31.12.2018 година)
• Содржи автентични приказни за искуството на бегалците и барателите на азил
• Покажува чувствителност и почит кон бегалците и околностите под кои овие лица ги напуштиле своите домови
• Избегнува сензационализам и стереотипизација
• Кандидатите се државјани на Република Северна Македонија

Важно :

• Може да се конкурира со максимум 3 прилога/написи/фотографии
• Пишаните написи да бидат испратени во верзија PDF, со датум на објавување;
• Видео материјалите да бидат испратени на CD/DVD, со датум на објавување;
• Фотографиите да бидат во JPG формат, најмалку 2000 пиксели на подолгата страна и резолуција 300 dpi. За нив да се наведе во кој медиум и кога се објавени.
• Сите поднесоци да се испратат по електронска пошта, на contact@myla.org.mk, и во насловот да биде назначено името на конкурсот; или да се испратат преку пошта/достават до канцеларијата на Македонското здружение на млади правници на ул. Донбас 14/1-6, 1000, Скопје во затворен плик, а на пликот да биде назначено името на конкурсот;
• Повеќе информации во врска со Конкурсот и начинот на поднесување на прилозите може да се добијат на тел. 077/587-642 или на адресата otanceva@myla.org.mk

На најдобро рангираните ќе им бидат доделени по една награда, за секоја од трите категории, во вкупен износ од 120.000 денари, и тоа:

• награда во категорија „Напис или серија написи” 40 000 денари
• нагрда во категорија „Емисија, прилог, краток документарец” 40 000 денари
• награда во категорија „Фотографија”  40 000 денари

Рокот за аплицирање е 11.06.2019 година, предвид ќе бидат земени само апликациите пристигнати најдоцна до 07.06.2019 година.

Победниците ќе бидат објавени до 15.06.2019 година, а наградите ќе бидат врачени на 20.06.2019 година.