Апсурдно известување на МВР за упадот во ТВ21
Личното обезбедување на поранешниот премиер Никола Груевски не влегол во дворот на телевизијата 21 и не му наложиле на новинарот Кристијан Ландов да избрише снимки од мобилниот телефон. Ова е одговорот на Одделот за внатрешна контрола, криминалистички истраги и професионални стандарди на Министерството за внатрешни работи на барањето на Здружението на новинарите на Македонија да покрене дискциплинска постапка против двајца припадници на обезбедувањето на поранешниот премиер Никола Груевскли, кои на 17 јуни без налог налог упаднале во Телевизијата 21.
МВР во краткиот допис до ЗНМ не извести дека извршиле проверки, но при тоа не успеале да обезбедат докази со кои ќе се потврадат наводите дека обезбедувањето на Груевски влегов во дворот на телевизијата 21 и му наложиле на новинарот да ги избрише од телефон снимките со екс премиерот Груевски како поминува на улица Македонија.
Освен тоа, МВР го известил и Основнот јавно обвинителство во Скопје со констатиртаната состојба. Со тоа полицијата му укажува на обвинителството да не покрене какво била постпака против нејзини припадници затоа што таков инцидент не се случил, иако безбедносните камери на телевзијата јасно го имаат регистрирано целиот настан, а новинарот и раководството на телевизијата го пријавиле инцидентот и бараат одговор од полцијата за неовластеното влегување во нивните простории.
ЗНМ веднаш после инцидентот достави барање до МВР да покрене дисциплинска постапка против обезбедувањето на Груевски. Ваквиот упад ЗНМ го оцени како директен напад врз слободата на медиумите затоа што никој нема право да ги спречи новинарите да снимат на јавен простор поранешен премиер и лидер на владеачка партија.
