ЈАВЕН ПОВИК за доставување пријави за учество на новинари во дводневна обука на тема „Справување  со загадувањето на воздухот во РС Македонија“

Референтен број: УНДП/2023/00122883-ЗНМ – 004 Наслов на проектот: „Справување со загадувањето на воздухот“ (Scaling up actions to tackle air pollution) Лот: Дводневна обука за градење капацитети (Two-day capacity building events)

Здружението на новинарите на Македонија (ЗНМ) во соработка со Програмата за развој на Обединетите нации (УНДП) во рамките на проектот „Справување со загадувањето на воздухот”[1] предвидува одржување на дводневни обуки за новинари на тема „Справување со загадувањето на воздухот – јакнење на јавната свест за проблемите и можните решенија“.

За таа цел се распишува и овој јавен повик за доставување пријави на новинари за учество на дводневна обука што треба да придонесе кон подобрување на знаењата и вештините на локалните новинари да известуваат за теми поврзани со загадувањето на воздухот и влијанието и предизвиците во реалниот живот со кои се соочуваат погодените заедници, а со тоа да придонесат за поголема јавна свест за изворите, влијанијата и потенцијалните решенија против загадувањето на воздухот што треба да ги преземат надлежните власти и граѓаните. 

Обуката, на која е предвидено учество на 15-18 новинари од локалните медиуми надвор од главниот град, ќе се одржи од 23-25 ноември 2023, во Штип.

Во текот на обуката учесниците ќе имаат можност да ги подобрат своите знаења и вештини за темиповрзани со загадување на воздухот и улогата на новинарите во борбата за почист воздух (клучни термини и разбирање на процесот на анализа на загадување на воздухот, влијание на загаденоста на воздухот врз здравјето на луѓето и животната средина и улогата на новинарите во подигнување на јавната свест, новинарство засновано на анализа на податоци за загадување на воздухот,  потребата од соработка со граѓанските организации и локалната власт, техники на истражувачко новинарство при известување за загадувањето на воздухот, како и важноста на мултимедијалниот пристап при раскажување приказни за загадувањето на воздухот).

Обуката ќе ја реализираат искусни новинари со долгогодишно искуство во следење и покривање теми од областа на животната средина, и стручни лица од тимот на Универзитетот Гоце Делчев од Штип, каде што е сместена акредитираната лабораторија за мерење на квалитетот на воздухот.

Сите трошоци за учесниците (транспорт, сместување и храна) ќе бидат покриени од страна на организаторот.

Начин и рок на аплицирање

Заинтересираните треба да ја достават својата апликација (кратка биографија и писмо за мотивација за учество, не подолго од 500 карактер) преку електронска пошта на следниве адреси contact@znm.org.mk со назнака „Апликација по повик УНДП/2023/00122883-ЗНМ – 004  “. Лице за контакт за дополнителни информации: Елизабета Стојановиќ – 02/3298-139 Крајниот рок за доставување на апликации е 19.11.2023 (недела) до 24ч, ЦЕВ.

[1] Проектот „Справување со загадувањето на воздухот“ е дел од Програмската рамка на Програмата за развој на Обединетите Нации (УНДП), финансирана од Шведска. Проектот го имплементира УНДП во партнерство со Министерството за животна средина и просторно планирање и општините Кавадарци, Куманово, Гостивар, Струга и Струмица. Во рамки на програмата исто така се спроведува и проектот „Градење на општинските капацитети за имплементација на проекти“.

---