ЈАВЕН ПОВИК за доставување понуди за ментор и уредник на новинарски продукти на тема „Справување со загадувањето на воздухот во РС Македонија“

Крајниот рок за доставување на апликации е 10.12.2023 (недела) до 24ч, ЦЕВ.

Здружението на новинарите на Македонија (ЗНМ) во соработка со Програмата за развој на Обединетите нации (УНДП) во рамките на проектот „Справување со загадувањето на воздухот”[1] предвидува повеќе активности меѓу кои е и изработка на новинарски продукти на тема „Справување со загадувањето на воздухот – јакнење на јавната свест за проблемите и можните решенија“.

За таа цел се распишува и овој јавен повик за доставување на понуди за еден ментор и уредник за 6 новинарски продукти за теми поврзани со загадувањето на воздухот и влијанието и предизвиците во реалниот живот со кои се соочуваат погодените заедници, а со тоа да придонесат за поголема јавна свест за изворите, влијанијата и потенцијалните решенија против загадувањето на воздухот што треба да ги преземат надлежните власти и граѓаните. 

Овие новинарски продукти ќе бидат изработени од група од новинари, учесници на обуката планирана во рамките на проектот „Справување со загадувањето на воздухот”.

Повеќе информации за техничките услови видете тука. 

Информации за повикот

Постапка: Отворен / јавен повик

Тип на договор: Договор за набавка на услуги

Потребни документи

• Биографија, со референци за претходно искуство
• Изјава (Анекс 2),
• Финансиска понуда (Анекс 3)
• Доказ за резидентност согласно домашната легислатива (копија од пасош)

Начин и рок на аплицирање

Заинтересираните треба да ја достават својата апликација (биографија со референци, доказ за резидентност и пополнети Анекс 2 и Анекс 3) преку електронска пошта на следниве адреси contact@znm.org.mk со назнака „Апликација по повик УНДП/2023/00122883-ЗНМ – 005 “.  Крајниот рок за доставување на апликации е 10.12.2023 (недела) до 24ч, ЦЕВ.

---

[1] Проектот „Справување со загадувањето на воздухот“ е дел од Програмската рамка на Програмата за развој на Обединетите Нации (УНДП), финансирана од Шведска. Проектот го имплементира УНДП во партнерство со Министерството за животна средина и просторно планирање и општините Кавадарци, Куманово, Гостивар, Струга и Струмица.

Во рамки на програмата исто така се спроведува и проектот „Градење на општинските капацитети за имплементација на проекти“.