Сенат Зулбеари е нов регионален координатор на ЗНМ во Тетово, Зоран Димовски е заменик

Новинарите од тетовскиот регионален центар на ЗНМ вчера одржаа работна средба во Тетово со претставници на Здружението на новинарите на Македонија (ЗНМ). На овој настан колегите едногласно го избраа новинарот Сенат Зулбеари како нов регионален координатор за регионалниот центар на ЗНМ во Тетово а како негов заменик новинарот Зоран Димовски.

Колегата Зулбеари се заблагодари на колегите за поддршката и во заедничка дискусија проблемите со кои се сочуваат новинарите и медиумските работници во овој регион, како и можните решенија. Најголем предизвик со кој се борат секојдневно новинарите во овој регион е намалената транспарентност на дел од јавните институции на локално ниво, што им оневозможува да ја вршат својата работа на професионален начин. Исто така, посериозните закани и напади на новинари се случија на колеги кои работат во медиумите од овој регион.

Младен Чадиковски, претседателот на ЗНМ истакна дека солидарноста меѓу новинарите е најважна со цел да се создадат услови за подобар амбиент. Во иднина ќе има зголемување на активностите во овој регионален центар а се планираат и заеднички средби со соодветните институции во Скопје на теми поврзани со безбедноста на новинарите и подобрување на транспарентноста на локалните инситуции.