РАСКАЖЕТЕ ПРИКАЗНА НА ПОВЕЌЕ ПЛАТФОРМИ – Напредна работилница за новинари
Дали го завршивте нашиот онлајн курс за мулти-платформско новинарство? Сакате да навлезете подлабоко во темата и да научите повеќе трикови од новинарскиот занает? Сакате да креирате новинарска содржина прилагодена за следење на мобилен телефон или да ја ангажирате публиката преку моќни, мулти-платформски новинарски стории со поддршка и менторство од експертите на Томсон Медиа?
Придружете им се на Александар Мансиев и Ана Зафирова на бесплатната онлајн работилница на Томсон Медиа- Новинарство на повеќе платформи од 25 до 28 март. Оваа практична, онлајн работилница ќе ви овозможи да стекнете напредни вештини во мулти-платформско новинарство и да ги примените во пракса преку групна и индивидуална работа со поддршка на нашите обучувачи и ментори.
До крајот на обуката, ќе можете да им дадете нов живот на вашите приказни на различни платформи и да ја вклучите вашата публика преку:
- Стекнување вештини да го разберете медиумскиот пејзаж кој постојано се менува во сета своја комплексност
- Да научите како да ги анализирате и да реагирате на медиумски навики на публиката и да ги искористите податоците за носење одлуки базирани на информации
- Да ги прилагодите вашите приказни за различни платформи -онлајн, мобилни уреди и печат со цел да постигнете максимално влијание и импакт
- Да ги усовршите техниките за создавање новинарски стории за повеќе платформи
- Да пишувате текст и сценарија соодветни за различните платформи
- Да стекнете вештини за создавање приказни за следење на мобилен телефон
- Да креирате избалансирана новинарска содржина.
Дали имате премногу обврски неделава?
Ние се грижиме за вас: иако онлајн работилницата е предвидено да трае четири дена , дизајнирана е да можете да следите групни и индивидуални сесии, што значи дека вие ќе можете да продолжите со вашиот професионален ангажман или лични обврски и да ја следите работилницата во меѓувреме.
Четврток – сабота 25.03 – 27.03.2021 Секој ден учесниците имаат до 4 часа онлајн обука со паузи и задачи по завршување на секој ден (околу 3 часа задачи на ден). Учесниците ќе имаат можност, доколку има потреба, да изберат помеѓу два временски слота-утрински или попладневни сесии.
Недела, 28.03.2021 Последниот ден е посветен на индивидуални сесии фокусирани на создавање мулти-платформски новинарски стории. Секој учесник ќе работи со обучувачите во просек од 30 – 45 минути, а остатокот од денот е предвиден за работа на финалните продукти. Нашите обучувачи ќе бидат достапни од 10 до 18 часот за индивидуални сесии.
По завршување на онлајн-работилницата: Сите учесници ќе имаат можност за консултации со нашите експерти во периодот по завршување на онлајн-работилницата со цел да креираат квалитетни приказни кои се подготвени за објавување.
За да го завршите нашиот четиричасовен курс по сопствена динамика кој е услов за аплицирање на напредната онлајн-работилница, посетете ја страницата https://bit.ly/3jV82sF .
За да аплицирате Ве молиме пополнете го онлајн формуларот.
Ве молиме аплицирајте за онлајн-работилницата до понеделник, 21 март до 16 часот.
За повеќе информации поврзани со онлајн работилницата за мулти-платформско новинарство Ве молиме контактирајте ја Маја Васиќ-Николиќ на емајл: majavn@thomsonfoundation.org.
Курсот е организиран во рамките на проектот „Зајакнување на квалитетните вести и независното новинарство во Западен Балкан и Турција“ кој го спроведува БИРН Хаб во партнерство со: Томсон Медиа gGmbH (ТМ), Меѓународната федерација на новинари (ИФЈ), Европската радиодифузна унија (ЕБУ), Централноевропскиот универзитет (Центар за медиуми, податоци и општество на ЦЕУ), Медиумската асоцијација на Југоисточна Европа (МАСЕЕ), Центарот за истражувачко новинарство на Црна Гора (ЦИН ЦГ), Независниот синдикат на новинари и медиумски работници во Македонија (ССНМ), БИРН Албанија и БИРН Србија.
Проектот е финансиран од ЕвропаАид / Европската комисија преку својата Регионална програма за обука и поддршка за подобрување на квалитетот и професионалноста во новинарството.
