Работна средба со координаторите на регионалните центри на ЗНМ
На 29 април, во Велес, Здружението на новинарите на Македонија – ЗНМ одржа работна средба со координаторите на регионалните центри од Битола, Охрид, Куманово, Тетово, Струмица и Штип.
На средбата се дискутираше за потребата од статутарни измени со што би се поттикнала поголема вклученост на регионалните центри во управните тела на ЗНМ и во активностите кои ни претстојат во наредниот период. Тема на разговорите беа и предизвиците и проблемите со кои се соочуваат новинарите и медиумските работници од регионалните центри при извршување на својата работа, како и за тековните активности на ЗНМ во насока на заштита на правата на новинарите и подобрување на состојбите во медиумите.
Претставниците на регионалните центри искажаа поддршката за напорите на ЗНМ за креирањето на фонд за медиуми преку кој би се поддржувале проекти од јавен интерес, а со тоа би се овозможило финансирање за изработка на новинарски продукти со документарна, образовна и едукативна содржина, како и поддршка за истражувачко и аналитичко новинарство. На тој начин најдиректно би се помогнало новинарството, креирањето на квалитетни медиумски содржини, а индиректно би придонело за подобрување на економската состојба на новинарите и медиумските работници.
Од страна на претседателот Младен Чадиковски беше истакнато задоволството од соработката со регионалните центри на ЗНМ во текот на изминатиот период.
Средбата е одржана во рамките на активностите на проектот поддржан од страна на ЕФЈ.
Соработката и конструктивните работни средби ќе продолжат и во иднина.
