ПРОДОЛЖЕН Е ПОВИКОТ ЗА ПРИЈАВУВАЊЕ ЗА ИЗРАБОТКА НА МЕТА ДАТА ИЗВЕШТАЈ ЗА СОСТОЈБИТЕ ПОВРЗАНИ СО ПРАВАТА НА НОВИНАРИТЕ, СЛОБОДАТА НА ИЗРАЗУВАЊЕ И НЕЗАВИСНОСТА НА МЕДИУМИТЕ
Продолжен е повикот за пријавување за изработка на мета дата извештај за состојбите поврзани со правата на новинарите, слободата на изразување и независноста на медиумите
Крајниот рок за доставување на апликации е 03.09.2023 (недела) до 24 часот, ЦЕВ.
Референтен број: IPA/2022/440-473-AJM – 006
Наслов на проектот: „Заштита на слободата на изразување и независноста на медиумите како столбови на демократијата во Република Северна Македонија“ (Safeguarding the freedom of expression and independence of media as pillars of democracy in the Republic of North Macedonia)
Лот: 5.2.1 – Публикации – Мета дата извештај (Meta data report (A1.1.3))
Потреби и цели
Во рамките на проектот „Заштита на слободата на изразување и независноста на медиумите како столбови на демократијата во Република Северна Македонија“ (Safeguarding the freedom of expression and independence of media as pillars of democracy in the Republic of North Macedonia), финансиран од Европската Унија, а во реализација на Здружението на новинари на Македонија (ЗНМ), предвидена е изработка на мета дата извештај за тековните состојби поврзани со правата на новинарите, слободата на изразување и независноста на медиумите, со цел да се обезбеди посеопфатна слика за тоа каде сме, но и каде сакаме да бидеме. кога станува збор за правата на новинарите, слободата на изразување и независноста на медиумите во земјата.
Контекст
Како што е наведено во повеќе релевантни меѓународни (EU, US Department of State, RsF, Amnesty International) и национални (2022 National report, 2022 Journalists’ Safety Index) извештаи, состојбата со новинарството во Северна Македонија, и покрај одредени подобрувања на општата климата за независноста на медиумите, останува кревка. Поларизација, недостаток на плурализам, лошите работни услови и неодржливоста на медиумски компании го карактеризираат општиот медиумски пејзаж во земјата. Дополнително, според наодите од анкетата на членството на ЗНМ, спроведена за потребите за изработка на новиот Стратешки план на здружението за периодот 2023-2026 година, како и од прелиминарните заклучоци од мисијата за утврдување на факти, поврзани со слободата на печатот, спроведена во јуни (5-7 јуни) 2023 година во Скопје, како најгорливи предизвици и потреби што бараат дополнителна анализа на состојбите се наметнаа:
- Предизвиците со прекршување на авторските права на новинарите и медиумските работници, вклучително и правната рамка, механизмите за спроведување, новите трендови и технолошките достигнувања кои влијаат на заштитата на авторските права во медиумската индустрија во РСМ.
- Потребата од формирање на фонд за медиумски плурализам за да се обезбеди објективно и правично распределбата на поддршката, поддржувајќи квалитетни содржини, различност на уредничките позиции и условите за работа на новинарите
- Предизвиците со нарушување на медиумскиот пазар со платени политички кампањи за време на изборниот процес (Изборен закон), концепт кој дозволува политичките партии и останатите политички субјекти со јавни пари да плаќаат партиско-политички пораки и содржини во традиционалните и дигиталните медиуми.
За таа цел ЗНМ има потреба да ангажира тројца експерти како надворешни соработници со задача да го подготват овој извештај.
Повеќе информации за техничките услови видете тука.
Информации за повикот
Постапка: Отворен повик
Тип на договор: Договор за набавка на услуги
Потребни документи
- Биографија
- Изјава (Анекс 2),
- Финансиска понуда (Анекс 3)
- Доказ за резидентност согласно домашната легислатива (копија од пасош)
Начин и рок на аплицирање
Заинтересираните треба да ја достават својата апликација (биографија, доказ за резидентност, и пополнети Анекс 2 и Анекс 3) преку електронска пошта на следниве адреси contact@znm.org.mk и bnasteska@znm.org.mk со назнака „Апликација по повик IPA/2022/440-473-AJM – 006“. Крајниот рок за доставување на апликации е 03.09.2023 (недела) до 24 часот, ЦЕВ.
