Почина Свето Серафимов, новинар и поранешен секретар на ЗНМ 

На 93- годишна возраст, вчера, почина Свето Серафимов новинар кој преку својата професионална работа остави значителен белег во македонското новинарство.  

Од 1950 година целиот свој работен век го минал како уредник и коментатор во Културната и во Надворешно-политичката рубрика на „Нова Македонија“.  

Серафимов бил постојан дописник од Атина и од Бејрут и известувач од многубројни настани во светот. Тој е плоден преведувач на значајни дела од англиски јазик. Свето Серафимов е добитник на наградата „30 септември“ што Сојузот на литературни преведувачи ја врачува по повод Светскиот ден на преведувачот.  

Наградата ја добил за неговите преводи од англиски на македонски јазик на дела од англосаксонски автори и за придонес во афирмацијата на преведувачката дејност во Македонија. 

Серафимов беше секретар на ЗНМ во периодот од 1962 година за време кога Нешо Марковски беше претседател, а Љубен Апостолски потпретседател на Здружението на новинарите на Македонија. 

Фотографија: Нова Македонија