Почина колегата Јанко Николовски

Денеска, на 75 годишна возраст почина нашиот драг колега Јанко Николовски.

Николовски беше долгогодишен и редовен член на Здружението на новинарите на Македонија.

Во 2006 година беше избран за прв претседател на Комисијата за заштита на правото на слободен пристап до информациите од јавен карактер, каде остана до своето пензионирање.

Во текот на неговата плодна кариера, Николовски беше член на неколку експертски групи на Советот на Европа во Стразбур, за прашања кои се однесуваат на слободата на медиумите.

Во 1975 година е добитник на наградата „Мито Хаџивасилев – Јасмин“, додека во 2005 година доби награда за публицистика.

Николовски беше одличен новинар и колега. ЗНМ изразува длабоко сочувство до семејството на колегата Николовски.

Фото: sdk.mk