Почина колегата Зоран Поповски, долгогодишен спортски новинар

Колегата Зоран Поповски почина ненадејно вчера, на 54-годишна возраст.

Поповски беше еден од најистакнатите спортски новинари, член на ЗНМ, чија работа во медиумите остави печат во спортските редакции, известувајќи од повеќе спортски настани кои имаа големо значење за македонската спортска историја.

Со богато искуство од 20 години, колегата Поповски остави трага зад себе. Тој беше дел од спортските редакции на А1, Дневник, Македонски спорт, Спортмедиа, Република, а од 2018 година беше во Спортманија.

Здружението на новинарите на Македонија изразува длабоко сочувство до семејството, пријателите и колегите за загубата.

Фото: Макфакс