ПОВОЛНОСТИ ЗА ЧЛЕНОВИТЕ НА ЗНМ КОИ САКААТ ДА СТУДИРААТ НА АУЕ – ФОН

Здружението на новинарите на Македонија (ЗНМ) и Американскиот универзитет на Европа – ФОН (АЕУ – ФОН) потпишаа договор за соработка со кој е предвидено двете договорни страни меѓусебно да разменуваат знаења, искуства и вештини, стручна и научна литература која ќе биде од голема корист при надградување на материјата и полето на работа за конкретна област. Воедно, меѓу останатите поволности ќе бидат споделувани информации од заеднички интерес за ЗНМ и АУЕ – ФОН.

Американскиот универзитет на Европа – ФОН е реномирана приватна високо – образовна институција која овозможува квалитетно високо образование на своите студенти. Оттука, како резултат на потпишаниот договор за соработка, секој активен член на ЗНМ и членовите на нивните потесни семејства кои се заинтересирани да студираат на АУЕ – ФОН ќе имаат намалена партиципација, односно попуст на годишната школарина за втор циклус за едукација и доедукација во академската 2022/2023 година. Деталите за поволностите во врска со студиите, може да се добијат од службите на АУЕ – ФОН.

Договорот за соработка го потпишаа директорката на АУЕ – ФОН, Миранда Цаноска Амзоска и претседателот на ЗНМ, Младен Чадиковски.