ЛОТ: 322 Анализи

Цел на повикот

Во рамките на проектот „Безбедни медиумски работници за квалитетно новинарство во Северна Македонија“ (Safer Media Workers for Quality Journalism in North Macedonia) финансиран од Балканскиот труст за демократија (Balkan Trust for Democracy) преку Програмата за слобода на медиуми, Здружението на новинарите на Македонија објавува повик за изработка на два документи за политики со цел

• Да се истакне потребата од подобрување на безбедноста и социоекономската состојба на новинарите и медиумските работници, со дополнителен фокус на родовата еднаквост, а сето тоа како предуслов за слободни и независни медиуми и демократски развој на општеството,

Во рамките на повикот ќе бидат поддржани анализи на секторски политики за следниве теми:

• Клучните системски празнини и можни решенија за подобрување на целокупната средина во општеството од аспект на безбедноста на новинарите и медиумските работници.
• Клучните системски празнини и можни решенија за надминување на јазот во платите и потенцијалните проблеми со хиерархиска поставеност во медиумите базирани  на родова дискриминација

Кои ќе резултираат со аналитички извештаи и ќе вклучуваат:

• Преглед на моменталната состојба со политиките во еден од секторите или потсекторите,
• Степен на имплементација на една или повеќе секторски политики,
• Идентификување на клучни предизвици и насоки за подобрување на секторските политики.

Опсег на повикот: Кој може да се пријави?

Повикот е отворен и е наменет за сите кои се бават со истражувачка работа или имаа теоретско и практично познавање на теми поврзани со слобода на медиуми, правната рамка за безбедноста и социоекономската состојба на новинарите и медиумските работници, родовата еднаквост или работата на правосудните органи.

Истражувачите/аналитичарите, поединечно или во тим, во сферата во која делуваат може спроведуваат анализа на политики за една од двете посочени теми.

Една организација и/или поединец може да конкурира само за една од двете теми.

Во рамките на повикот ќе биде поддржана подготовка на најмногу 2 анализи – по една анализа од тема.

Спроведување на активностите

Процесот на подготовка на аналитичките извештаи треба да вклучува преглед на политики и регулативи во дадениот сектор, консултации со претставници на институциите задолжени за развој и имплементација на политиката која е предмет на анализа, консултации со засегнатите  групи, како и со други недржавни чинители кои делуваат во конкретната област.

Анализите треба да бидат изработени според професионални стандарди, на македонски јазик. Финалниот текст на документот за политики треба да биде не повеќе од 15 страни (30,000 карактери бруто).

За спроведување на активностите од овој повик и подготовка на секоја од анализите предвиден е вкупен надомест од 1.500 евра, (бруто) во денарска противвредност. Износот ги опфаќа сите трошоците за спроведување на анализата.

Истражувачите кои ќе ги спроведуваат анализите ќе склучат директни договори со Здружението на новинарите на Македонија, а исплатата на надоместокот ќе се одвива според следната динамика:

• 30% по склучување на договорот
• 70% по поднесување на финалната анализа

Рокови

Доставување на пријави / предлози	15 – 30 септември 2021
Избор и известување на избраните предлози	1-10 октомври 2021
Спроведување на активностите	15 октомври 2021 – 15 ноември 2021
Преглед и ревизија на анализите	15 – 30 ноември 2021
Финализирање на анализите	1 – 15 декември 2021

Начин на пријавување и рок

Документите за пријавување (пријава и биографија/биографии) треба да се достават исклучиво во електронска форма на contact@znm.org.mk (со назнака: Лот 322-  Анализа на секторски политики) најдоцна до 30.09.2021 , до 24ч ЦЕВ

Избор

Изборот ќе го направи тричлена комисија составена од претставници на ЗНМ и надворешни соработници.

Пријавите ќе се избираат врз основа на следните критериуми:

• Квалитет на предлогот
• Претходно искуство на подносителот/подносителите