ПОВИК ЗА УЧЕСТВО НА ЛЕТЕН КАМП ЗА БЕЗБЕДНОСТ НА МЛАДИ НОВИНАРИ

Здружението на новинарите на Македонија (ЗНМ) во соработка со Мисијата на ОБСЕ во Скопје објавува „Повик за аплицирање за учество на Летен камп за безбедност на млади новинари“ кој ќе се одржи од 11 до 15 јули 2023 година во Охрид.

Кампот е првенствено наменет за млади новинари (до 35 години) кои секојдневно известуваат од терен или редовно контактираат со јавноста директно или преку интернет канали за комуникација како дел од нивните должности во редакцијата. Особено ги охрабруваме младите новинари кои не се од Скопје да аплицираат.

Кампот ќе се одржи на брегот на Охридското Езеро и ќе биде реализиран преку балансирана програма со информативни, едукативни и забавни содржини.

Целта на овој настан е преку дружење и размена на искуства и практични вештини да придонесе кон градење на капацитетите и подобрување на севкупната безбедност на новинарите преку промовирање на подобра соработка меѓу колегите, споделување на локално искуство и подобро разбирање на родовите димензии на безбедноста. Клучен акцент ќе биде даден на физичката и дигиталната безбедност за новинарите, професионалните вештини и знаењата за новинарската етика и улогата на новинарите во одбраната на човековите права користејќи темелни новинарски техники, нови пристапи и дигитални мултимедијални алатки, вклучително и оние развиени од Мисијата.

Во рамките на активностите кои се предвидени во работниот дел на летниот камп, покрај едукативни презентации водени од искусни тренери, интерактивни работилници и работа во групи преку неформални средби и заеднички дружби ќе се разменат и практични искуства помеѓу предавачите и учесниците.

Сите заинтересирани за пријавување на летниот камп потребно е да достават:

• Кратка биографија во електронска форма (Word, pdf),
• Краток текст (не повеќе од 300 карактери) – што ве мотивира да учествувате на летен камп за безбедност на млади новинари?

Пријавите треба да се достават до ЗНМ најдоцна до 20 јуни 2023 година и тоа:

На електронска пошта: mspirovski@znm.org.mk

Лице за контакт за дополнителни информации: Милан Спировски – 02/3298-139.

Сите трошоци за учесниците за локален транспорт, сместување и храна ќе бидат покриени. По завршување на летниот камп секој учесник ќе добие сертификат за своето учество од страна на организаторите.

Во предмет на електронската порака треба да се наведе „АПЛИКАЦИЈА ЗА ЛЕТЕН КАМП 2023“. Секој апликант ќе добие повратна порака за прием.

Ќе бидат земени предвид само пријавите кои ќе пристигнат заклучно со 20.06.2023 година.