Повик за пријавување за изработка на документ за политики на тема: Tранспарентноста на институциите на власта на национално ниво и пристапот до информации од јавен карактер поврзан со професионалната работата на новинарите
Во рамките на проектот „Заштита на слободата на изразување и независноста на медиумите како столбови на демократијата во Република Северна Македонија“ (Safeguarding the freedom of expression and independence of media as pillars of democracy in the Republic of North Macedonia), финансиран од Европската Унија, а во реализација на Здружението на новинари на Македонија (ЗНМ), предвидена е изработка на два документи за политики поврзани со состојбите и предизвиците кои ги засегаат новинарите, слободата на изразување и независноста на медиумите, со цел да се обезбеди посеопфатна слика за тоа каде сме, но и каде сакаме да бидеме кога станува збор за правата на новинарите, слободата на изразување и независноста на медиумите во земјата.
Како што е наведено во повеќе релевантни меѓународни (EU, US Department of State, RsF, Amnesty International) и национални (2022 National report, 2022 Journalists’ Safety Index) извештаи, состојбата со новинарството во Северна Македонија, и покрај одредени подобрувања на општата климата за независноста на медиумите, останува кревка. Поларизација, недостаток на плурализам, лошите работни услови и неодржливоста на преголем број медиумски компании го карактеризираат општиот медиумски пејзаж во земјата.
Дополнително, според заклучоците од извештајот на Мисијата за утврдување на факти (јуни 2023) и во Мета дата извештајот, како и од наодите од анкетата на членството на ЗНМ, спроведена за потребите за изработка на Стратешкиот план на здружението за периодот 2023-2026 година, една од клучните теми посочена како сериозен предизвик за новинарите и медиумските работници е транспарентноста на владините и јавните институции на државно (национално) и општинско (локално) ниво, особено кога се работи за навремено доставување информации од јавен интерес до медиумите – тренд кој повторно се појави за време на пандемијата и е сериозен предизвик за истражувачките новинари, но и за сите останати кои за своето дневно известување на јавноста ги користат механизмите за слободен пристап до информации.
Цел на повикот:
Целта на овој повик е ангажирање на надворешен соработник / тим на соработници за изработка на една анализа во која детално ќе биде прикажана состојбата и предизвиците кои ги засегаат новинарите врзано за транспарентноста на владините и јавните институции на национално ниво со осврт / сеопфатна слика за тоа каде сме сега, и ќе понудат издржани препораки (каде сакаме да бидеме кога станува збор за поголема транспарентност на имателите на информации – јавните институции, и достапност до информации од јавен интерес за новинарите).
- Анализа 1:Транспарентноста на институциите на државно / национално ниво и пристапот до информации од јавен карактер поврзано со професионалната работа на новинарите
Повеќе информации за потребите и техничките услови за овој повик видете тука.
Информации за повикот
Постапка: Отворен повик
Тип на договор: Договор за набавка на услуги
Потребни документи
- Биографија (CV)
- Изјава (Анекс 2),
- Финансиска понуда (Анекс 3)
- Формулар за пријавување (Анекс 4)
- Доказ за резидентност согласно домашната легислатива (копија од пасош)
Начин и рок на аплицирање
Заинтересираните треба да ја достават својата апликација (биографија, доказ за резидентност, и пополнети Анекс 2, Анекс 3 и Анекс 4) преку електронска пошта на следниве адреси contact@znm.org.mk и bnasteska@znm.org.mk со назнака „Апликација по повик IPA/2022/440-473-AJM – 008-2“.
Крајниот рок за доставување на апликации е 21.07.2024 (недела) до 24ч, ЦЕВ.
Референтен број: IPA/2022/440-473-AJM – 008 -2 Наслов на проектот: „Заштита на слободата на изразување и независноста на медиумите како столбови на демократијата во Република Северна Македонија“ (Safeguarding the freedom of expression and independence of media as pillars of democracy in the Republic of North Macedonia) Лот: 5.2.2 – Публикации – Анализи (Two Position papers on media related needs (A1.2.2)
