Повик за изработка на новинарски стории на социјални теми

Здружението на новинарите на Македонија (ЗНМ) и Гете – институт Скопје распишуваат јавен повик за изработка на медиумски стории (текстови или мултимедијални продукти) на социјални теми преку кои ќе се поттикнат теми од јавен интерес во медиумите а истовремено ќе поттикнат и меѓу редакциска солидарност во новинарската фела.

Критериуми за аплицирање:
– Аплицираат најмногу двајца новинар(к)и за еден медиумски продукт
– Се избираат вкупно четири новинарски екипи по двајца новинари(к)и кои ќе работат на 4 различни теми од социјален интерес
– Новинар(к)ите аплицираат со име и презиме информации во кој медиум работат или имаат ангажман како и работен наслов на тема од социјален интерес на која ќе работат со објаснување за темата и начинот како ќе биде сработена. Објаснувањето се очекува да биде не повеќе од 300 зборови
– Да се наведе во кој медиум ќе биде објавен медиумскиот продукт и
истите да бидат објавени до 31-ви август 2022
– Предност ќе имаат апликации каде што двајцата новинари се од различни медиуми со цел да се поттикне меѓусебната соработка на новинар(к)и од различни медиуми, но ова не е услов за да се аплицира
– Конкурсот трае од 13ти јуни до 27ми јуни 2022 година

Како да се аплицира?
– Апликациите за концепт идеи за медиумски продукти да се испратат по
електронски пат на contact@znm.org.mk и andrej.vasiljevikj@goethe.de
– Лице за контакт: Билјана Настеска – Каланоска 02/3298-139
– Пријавите во полето „subject“ треба да бидат означени со „За МЕДИУМСКИ ПРОДУКТ ЗНМ и ГЕТЕ – институт Скопје“. За секоја пристигната пријава ќе биде пратена потврда за прием на истата.
– Висината на парични средства изнесува по 300 евра за секој новинар(ка) кој ќе биде селектиран од страна на тричлената комисија
– Сите апликации испратени по завршување на рокот за аплицирање
нема да бидат земени во предвид.

За конкурсот:
Социјалните теми се прашања кое се однесуваат на перцепцијата на општеството за личниот живот на луѓето. Различни општества имаат различни перцепции и она што може да биде „нормално“однесување во едно општество може да биде значајно општествено прашање во друго општество. Во таа насока, ЗНМ и Гете – институт Скопје потпишаа меморандум за соработка чија цел е поттикнување на социјални теми од јавен интерес во новинарската заедница но и пред генералната јавност. Социјалните теми опфаќаат широк круг на теми и можат да бидат во доменот на јавното здравје, животна средина, права на лгбт заедницата како и на други маргинализирани групи, човекови права, теми од локален јавен интерес типични за рурални средини како и родова еднаквост. По изработка и објава на темите од социјален карактер ЗНМ и Гете – институт Скопје ќе организираат јавен настан на кој ќе ги промовираат темите изработени во рамки на овој конкурс.