ПОВИК ЗА ДОСТАВУВАЊЕ ПОНУДИ – ИЗРАБОТКА НА ВИДЕА (КАМПАЊА) ЗА ПРОМОЦИЈА И УНАПРЕДУВАЊЕ НА ДИЈАЛОГОТ ПОМЕЃУ НОВИНАРСКИТЕ ЗДРУЖЕНИЈА И ПАРЛАМЕНТИТЕ ОД ЗАПАДНИОТ БАЛКАН ЗА ПОСИЛЕН ГРАЃАНСКИ СЕКТОР

Во рамките на проектот „Унапредување на дијалогот помеѓу новинарските здруженија и парламентите од Западен Балкан за посилен граѓански сектор” (Improving the dialogue between journalists’ associations and parliaments in Western Balkans for stronger civil society sector), финансиран од страна на Сида преку проектот „Заштита на граѓанскиот простор – Регионален центар за развој на граѓанското општество“ во реализација на Балканската мрежа за развој на граѓанското општество (BCSDN), Здружението на новинарите на Македонија објавува повик за доставување понуди за изработка на 4 видеа за промоција и унапредување на дијалогот помеѓу новинарските здруженија и парламентите од Западен Балкан за посилен граѓански сектор

Цел на повикот

Цел на повикот за понуди е набавка на услуга за изработка видео кампања за промоција и унапредување на дијалогот помеѓу новинарските здруженија и парламентите од Западен Балкан за посилен граѓански сектор.

Кампањата, во форма на видео пораки, е моќен метод за влијание и подигање на свеста за суштината и значењето на дијалогот како мотор за унапредување на соработката помеѓу новинарските здруженија и парламентите од Западниот Балкан со цел донесување на законски решенија што се во функција на остварување и унапредување на слободата на медиумите, правото на слобода на изразување и информирање.

Преку користење на формата на видео пораки, со фокус на клучните предизвици за секоја од земјите опфатени со проектот (Босна и Херцеговина, Северна Македонија, Србија, и Црна Гора), интенцијата е да допре до што поголем број од оние кои ги креираат и ги носат законските решенија со кои се уредува материјата од областа на медиумските права и слободи. Едноставно, ништо за нас без нас!

Кој може да аплицира на повикот?

Давател на услугата што е предмет на оваа набавка може да биде правно лице или конзорциум на правни лица

Услови

Успешните кандидати треба да имаат:

• Докажано портфолио од претходно искуство за реализација на кампањи и изработка на видео материјали, и монтажа на аудио запис и  поднаслови,
• Високо ниво на професионалност и почитување на добри деловни практики и испорака во ситуации на притисок за кратки рокови.

Начин и рок на аплицирање

Комплетната документација за доставување на понуди е достапна на тука.

Комплетните понуди заинтересираните понудувачи треба да ги испратат на contact@znm.org.mk.

Рокот за аплицирање е 15 август 2021, до 24ч ЦЕВ.