Повик за аплицирање за учество на обука „Спротивставување на странската пропаганда и дезинформации преку јакнење на капацитетите на медиумите и новинарите “

Здружението на новинарите на Македонија (ЗНМ) во соработка со ЕСТИМА и Амбасадата на САД во Скопје, а во рамките на проектот „Спротивставување на странската пропаганда и дезинформации преку јакнење на капацитетите на медиумите и новинарите “(Countering foreign propaganda & disinformation by strengthening the capacity of media & journalists), објавува „Повик за аплицирање за учество на обука “

Обуката е првенствено наменета за новинари кои секојдневно известуваат на теми од дома и светот или редовно контактираат со јавноста директно или преку интернет канали за комуникација како дел од нивните должности во редакцијата.

Во рамките на активноста, предвидени се три модули, од кои првиот ќе биде онлајн а следните два со физичко присуство за странски дезинформации, пропаганда и операции за влијание. Првиот модул ќе се фокусира на општите аспекти и глобалниот контекст на руската и кинеска пропаганда. Вториот на специфичностите, разликите и синергиите меѓу кинескиот и рускиот пристап во македонски контекст. Последниот ќе биде организиран како практична работилница за препознавање и разоткривање на кинеските и руските дезинформации и онлајн медиумски извори.

Обуката ќе ја водат еден експерт за Русија и еден експерт за Кина. Максим Саморуков е европски експерт за руска пропаганда. Тој е поранешен руски новинар кој живее во егзил во Берлин и има долгогодишно искуство пишувајќи за руските активности на Балканот. Д-р Ана Крстиновска е експерт за односите меѓу Кина, ЕУ и Западен Балкан и основачка на организацијата за истражување и консултантски услуги Естима. Таа работи на теми поврзани со Кина повеќе од десет години и е автор на повеќе истражувања, научни трудови и публикации на темата.

Првата сесија предвидено е да се одржи во “Студио” Клубот на новинари на 28 ноември (вторник) 2023 година во период од 13:30 до 16:00 часот.

Втората сесија предвидено е да се одржи во “Студио” Клубот на новинари на 29 ноември (среда) 2023 година во период од 09:30 до 13:00 часот.

Дополнителни информации и линк за учество на првата обука ќе бидат испратени до сите заинтересирани кандидати за учество.

По завршување на обуките, дел од учесниците ќе имаат можност да изработат свои менторски стории кои потоа можат да ги објават во своите медиуми, а за тоа е предвиден дополнителен финансиски надоместок во рамките на проектот.

Проектот има за цел да ги поддржи медиумите и новинарите да се справат со странски дезинформации, да се заштити македонскиот медиумски простор од авторитарна пропаганда и да предложи веродостојни и објективни содржини и контранаративи кои би можеле да им помогнат на граѓаните да изградат информирано мислење. Проектот е поттикнат од моменталната ситуација во која се чини дека Русија и Кина ги здружуваат силите за да ги поткопаат демократиите и слободата на изразување ширум светот и се стреми да работи на конкретниот национален контекст за да се изградат капацитетите и отпорноста на новинарите и медиумските работници да се справат со овие предизвици.

Во рамките на активностите кои се предвидени во работниот дел на обуката, покрај едукативни презентации водени од искусни експерти од странство, ќе се разменат и практични искуства помеѓу предавачите и учесниците.

Сите заинтересирани учество на обуката потребно е да достават:

• Кратка биографија во електронска форма (word, pdf)

Пријавите треба да ги достават да ЗНМ најдоцна до 24 ноември 2023 година и тоа:

на електронска пошта: vkostovska@znm.org.mk

Лице за контакт за дополнителни информации: Верче Тодоровска Костовска – 02/3298-139.