Повик за ангажирање на двајца соработници за развивање и спроведување еднодневна работилница за зајакнување на соработката помеѓу Државниот завод за ревизија и новинарите во рамки на проектот

Промовирање на заштитата на новинарите, и етичките и професионалните стандарди во медиумите

(Promoting Protection of Journalists, and Ethical and Professional Standards in the Media)

Референтен број: 2600991 – AJM – 001

ЛОТ 613002-1: Консултанти за работилница (A6)

Краен рок: 24.10.2021, до 24ч ЦЕВ

Цел на повикот

Борбата против корупцијата е висок приоритет и за владата и за јавноста. Способноста на медиумите да придонесат во борбата против корупција е ограничена пред се од малиот број, а понекогаш и од нискиот квалитет на истражувачки извештаи за корупција и злоупотреба на јавни средства. Ова особено се однесува за мејнстрим медиумите.

Една од целите на проектот на „Промовирање на заштитата на новинарите и етичките и професионалните стандарди во медиумите“ на Мисијата на ОБСЕ во Скопје и Отсекот за комуникација и односи со јавност, што се спроведува во соработка со Здружението на новинари на Македонија – ЗНМ, е да придонесе за зајакнување на професионализмот на медиумите во борбата против корупцијата, за да може подобро да ја одиграат својата улога во заштитата на човековите права и борбата против корупцијата.

Како придонес кон решавање на овие прашања, во рамките на проектот е предвидено одржување на еднодневна онлајн работилница на тема „Подобрување на соработката помеѓу Државниот завод за ревизија и новинарите“.

За таа цел ЗНМ објавува повик за ангажирање на двајца експерти како надворешни соработници со задача да развијат план и содржини и да одржат еднодневна онлајн работилница чија задача ќе биде:

• Да се подобри знаењето кај учесниците на работилницата (раководни лица од Државниот завод за ревизија и новинари), за улогата на секоја од страните: ДЗР и медиумите, во борбата против корупцијата,

• Да се подобри комуникацијата и соработката помеѓу Државниот завод за ревизија и новинарите кои истражуваат корупција и злоупотреба на јавни средства.

Начин на пријавување и рок

Комплетната документација за повикот (Барање и услови, Финансиска понуда и Изјава) е достапна на тука.

Бараната документација за пријавување треба да се достави исклучиво во електронска форма на contact@znm.org.mk (со назнака: Лот 613002-1: Консултанти за работилница (A6)) најдоцна до 24.10.2021 , до 24ч ЦЕВ.