ПОВИК за ангажирање на двајца соработници за изработка на извештај за онлајн безбедноста на новинарите

Референтен број: 2600991 – AJM – 002

ЛОТ 613002-2: Истражување за безбедноста на новинарите (A1.1)

ПОВИК за ангажирање на двајца соработници за изработка на извештај за онлајн безбедноста на новинарите во рамки на проектот

Промовирање на заштитата на новинарите, и етичките и професионалните стандарди во медиумите

(Promoting Protection of Journalists, and Ethical and Professional Standards in the Media)

Краен рок: 24.10.2021, до 24ч ЦЕВ

Цел на повикот

Иако бројот на случаи на физичко насилство врз новинарите во последните пет години (2017-2020) покажува тренд на намалување, во 2020 година (година во која имавме вонредни парламентарни избори), бевме сведоци на зголемување на бројот на онлајн напади, случаи на вознемирување и сајбер-малтретирање, особено насочени против новинарки. Ваквиот тренд секако дека го загрозува слободното и безбедно известување од страна на новинарите, а особено на новинарките.

Една од целите на проектот на „Промовирање на заштитата на новинарите и етичките и професионалните стандарди во медиумите“ на Мисијата на ОБСЕ во Скопје и Отсекот за комуникација и односи со јавност, што се спроведува во соработка со Здружението на новинари на Македонија – ЗНМ, е да придонесе за слободата на медиумите преку подобрување на безбедноста на новинарите и медиумските работници, со акцент на безбедноста на  новинарките на Интернет.

Како придонес кон решавање на овие прашања, во рамките на проектот е предвидено да се спроведе истражување и да се подготви извештај за трендовите на закани по безбедноста на новинарите во последните пет години.

За таа цел ЗНМ објавува повик за ангажирање на двајца експерти како надворешни соработници со задача да спроведат истражување и да подготват извештај кој:  

• Ќе обезбеди анализа базирана на истражување за природата на нападите врз новинарите и медиумските работници со заклучоци за клучни прашања и трендови што ќе треба да се адресираат од страна на надлежните,

• Ќе придонесе за подобрување на безбедноста на новинарите и медиумските работници, со акцент на безбедноста на новинарките преку Интернет.

Начин на пријавување и рок

Комплетната документација за повикот (Барање и услови, Финансиска понуда и Изјава) е достапна на тука.

Бараната документација за пријавување треба да се достави исклучиво во електронска форма на contact@znm.org.mk (со назнака: Лот 613002-1: Консултанти за работилница (A6)) најдоцна до 24.10.2021 , до 24ч ЦЕВ