ОТВОРЕН ПОВИК ЗА ПРИБИРАЊЕ ПОНУДИ ЗА НАБАВКА НА УСЛУГИ ЗА ПИСМЕН И УСТЕН ПРЕВОД И ЛЕКТУРА
Предмет на повикот за набавка
Согласно потребите за своето работење и одобрените проектни активности што ќе се реализираат во периодот 2023-2025 година, Здружението на новинарите на Македонија (ЗНМ) објавува отворен повик за прибирање понуди за набавка на следниве услуги:
- Лекторски услуги на македонски јазик
- Лекторски услуги на англиски јазик
- Лекторски услуги на албански јазик
- Писмен превод од македонски на англиски јазик и од англиски на македонски јазик
- Писмен превод од македонски на албански јазик и од албански на македонски јазик
- Устен (симултан и консекутивен) превод од македонски на англиски јазик и од англиски на македонски јазик
- Устен (симултан и консекутивен) превод од македонски на албански јазик и од албански на македонски јазик
Повикот е отворен за сите заинтересирани физички лица и правни субјекти кои вршат услуги поврзани со предметот на оваа набавка.
Информации за повикот за набавка
Постапка: Отворен повик
Тип на договор: Годишен рамковен договор за набавка на услуги за превод и лектура
Очекуван обем и динамика
Очекуван обем на потреби од услуги за превод (писмен) и лектура во периодот 2023-2025 година: околу 2000 страници.
Динамиката на набавки на услугите коишто се предмет на оваа покана за прибирање понуди ќе се реализира во зависност од динамиката на предвидените проектни активности во периодот 2023-2025 година, со претходно известување до избраните понудувачи, а по видови и обем согласно потребите за предметната проектна активност.
Потребни документи
Понудата треба да ги содржи следниве прилози:
- Финансиска понуда (Анекс 2, достапен тука),
- Изјава (Анекс 3, достапен тука),
- Податоци за понудувачот (Анекс 4, достапен тука),
- Портфолио или CV за понудувачот, за увид на претходно искуство, со три референци
ЗНМ го задржува правото, доколку цени дека постои потреба, да побара дополнителни документи од избраните понудувачи.
Линк до повикот
Начин на поднесување понуди
Заинтересираните треба да ги достават своите понуди во електронска форма на следнава е-адреса contact@znm.org.mk најдоцна до 28.04.2023 година.
