Одговор на претставка поденесена од страна на Граѓанското движење АВАЈА

Граѓанско движење АВАЈА упати реакција до Советот на честа на ЗНМ поради начинот на известување во,како што се наведува, повеќе медиуми и поратали, за случајот во Битола кога полицискиот службеник кој за малтретирање на припадник на ромската заедница доби едногодишна казна затвор. Во реакцијата се наведува дека, како и во други слични настани, и во овој случај, полициската бруталност е банализирирана со „обичен шамар“, но оти најдобар демант е снимката која како доказ била употребена и прифатена од Судот,при одредувањето на казната за полицискиот службеник. Движењето АВАЈА очекува и бара медиумите и порталите објективно да ја информираат јавноста, да не шират говор на омраза и да поттикнуваат етнички тензии. Советот на честа на ЗНМ ја разгледа реакцијата на Граѓанско движење АВАЈА и оцени дека не може да арбитрира за прекршување на Кодексот на ЗНМ.

ОБРАЗЛОЖЕНИЕ

Иако дописот не е во формат на претставка, во него не е посочен ниеден текст на конкретен автор,што би можело да биде предмет на опсервација на Советот на честа на ЗНМ и е во негова надлежност. Оттаму, како и во други слични случаи, на Советот на честа на ЗНМ му преостанува само да апелира до колегите новинари, при известување од ваков вид настани да бидат максимално професионални.