ОДГОВОР НА ПРЕТСТАВКА ОД СТРАНА НА ШАБАН САЛМАНИ

Инспекторот при ОВР Гостивар МВР на РСМ Шабан Салмани во претставката до Советот на честа на ЗНМ реагира на изнесени невистини на негова сметка во три текста објавени на фејсбук на Буревесник од новинарот Зоран Божиновски.Советот на честа на ЗНМ ја разгледа претставката од инспекторот при ОВР Гостивар Шабан Салмани и заклучи дека нема основ за постапување, бидејќи предмет на оценка на Советот се текстови и прилози објавени во електронски и пишани медиуми како и портали со регистриран импресум. Објавите на социјалната мрежа фејсбук не се во надлежност на Советот, а ставовите изнесени таму се лични мислења и гледишта кои не се и не можат да бидат предмет на санкционирање, бидејќи со тоа би подржале цензура, која со Уставот на РСМ е забранета категорија. Сепак, според Кодексот на ЗНМ авторот на текстовите објавени на фејсбук на Буревесник, Зоран Божиновски,бил должен да го објави демантот на инспекторот Салмани, кому му стојат на располагање и други средства за заштита на неговиот углед, до колку смета дека со клевета и навреда му е нанесена штета.