Одговор на претставката поднесена од Редакцијата на Нова Македонија за преземен текст од порталот “ДоказМ.мк“

Во претставката се наведува дека порталот “ДоказМ.мк“ го презел текстот од
новинарката на Нова Македонија Даниела Трајковска Здравеска, под наслов „Што
видов со свои очи викендов“, без да го наведе изворот и со навредлив наслов кон
авторот на текстот.
Советот на честа на ЗНМ ја разгледа претставката поднесена од редакцијата на
Нова Македонија за преземен текст на нејзина новинарка Даниела Трајковска
Здравеска со наслов „Што видов со свои очи викендов“од порталот
“ДоказМ.мк“,при што не е посочено дека станува збор за преземен текст, односно
не е наведен изворот и дополнително во насловот недвосмислено е додадена
навредлива квалификација на сметка на колешката Трајковска Здравеска.
Советот на честа заклучи дека се прекршени членот 10,12 ,13 и 16 од Кодексот на
ЗНМ, според кои:
Новинарот нема свесно да создава ниту да преработува информации што ги
загрозуваат човековите права;
Плагијаторството е неприфатливо;
Новинарот треба да прави разлика меѓу факти и мислења, меѓу вест и коментар;
Новинарот ќе ги чува угледот и достоинството на професијата.
Со почит,
Совет на честа при ЗНМ