ОДГОВОР НА ПРЕТСТАВКАТА ОД СУПЕРТРЕЈД

Друштво за призводство, промет и услуги Супертрејд ДООЕЛ Скопје поднесе
претставка за необјавување демант на прилог подготвен од новинарот Биљана
Николовска, објавен во вестите на ТВ Телма, како најава за емисијата КОД. Имено,
оваа компанија смета дека со необјавувањето на демантот за неквалитетниот
бензин што го увезува и дистрибуира до своите деловни партнери, и е нанесена
штета на угледот и честа и бара јавно извинување од уредникот на КОД Снежана
Лупевска.
Советот на честа на Здружението на новинарите на Македонија, ја разгледа
претставката од Компанијата Супретрејд ДООЕЛ Скопје и заклучи дека има
делумно прекршување на член 3 од Кодексот на ЗНМ.

ОБРАЗЛОЖЕНИЕ

Во објавениот прилог во вестите на ТВ Телма, новинарот се повикал на
инспекциските наоди и извештаи, кои се релевантен извор за информирање, без
коментирање на резултатите, така што забелешката дека не била консултирана
втора страна во конкретниот случај не е сосема издржана. Делумното прекршување
на член 3 од Кодексот на Здружението на новинарите на Македонија се однесува на
демантот од Супертрејд кој не е објавен во вестите, а, како што тврди подносителот
на претставката,бил испратен по емитување на прилогот, но е објавен во наредното
издание на емисијата КОД.

06.10.2021 година