Институт за духовно и културно наследство на Албанците,реагира на текст објавен во весникот Коха на  28 08 2020 година со наслов Институтот кој ги посрамоти Албанците. Во претставката на Институтот до Советот на честа се наведува дека дека  посочениот текст на Коха  содржи неточности и говор на омраза, и е тенденциозен. Дополнително, тврди подносителот на претставката, весникот Коха не го објавила демантот од директорот на Институтот Скендер Асани,  со што се прекршени неколку членови на Кодексот на ЗНМ.

Советот на честа на ЗНМ, ја разгледа претставката од Институтот за културно наследство на Албанците, одговорот од весникот Коха што, во меѓувреме, беше испратен до ЗНМ и до Советот,  како и содржината на текстот на кој се реагира, при што заклучи дека нема аргументи што упатуваат на прекршување на Кодексот на ЗНМ.

ОБРАЗЛОЖЕНИЕ

Во посочениот текст на весникот Коха, авторот, Дестан Јонузи пренесува ставови и мислења на иманентни личности кои се директно или индиректно поврзани со името и делото на светицата Мајка Тереза, како и на други интелектуалци, а истовремено се посочува и дека се побарани одговори и мислење од директорот на Институтот за духовно и културно наследство на Албанците Скендер Асани, со забелешка дека не биле добиени. Со оглед на тоа што постои процедура и временска лимитираност за „затворање“ на весникот, писмото -демант од ИДКНА што стасало подоцна е објавено во електронската верзија на Коха, со што е исполнет условот за застапеност на втора страна. Советот на честа на ЗНМ не навлегува во изведените заклучоци на новинарот од искажувањата на неговите соговорници, бидејќи е тоа негово право,како автор. Се друго би се свело на цензура.