Најавено решавање на статусот на дописниците во МРТВ

Статусот со дописниците во јавниот сервис е проблем со кој колегите новинари од регионалните центри во земјава се соочуваат со години. Токму затоа, на иницијатива на ЗНМ, а со поддршка од МРТВ се одржа состанок на кој присуствува четиринаесетте дописници, Марина Тодоровска, претставник од  МРТВ, Младен Чадиковски и Драган Секуловски од извршната канцеларија на ЗНМ.

Во изминатиот период Здружението заедно со јавниот сервис активно работеше на оваа проблематика, што резултираше со позитивни промени односно најава за решавање на статусот во првата половина од 2023 година.

Чадиковски ја истакна итноста на ситуацијата со проблемот и рече:

„Сериозно се работи на забрзување на процесот на вработување на регионалните дописници. Ние, заеднички со МРТВ испративме барање до Министерството за финансии, така што нема да застанеме додека овој проблем не биде решен. ЗНМ секако ќе помогне во администрирање на процесот ќе продолжи да врши јавен притисок врз институциите со цел да се добие брз разрешница на проблемот“.

Костовска реплицираше со ветување за конечно решавање на статусот и изјави: „Фактичката состојба ни налага да бидат исполнети три сегменти, а тоа е да добиеме согласност од Министерството за финансии, Минстерството за информатичко општество и администтрација како и од Комисијата за политички систем. Идејата е во 2023 да се вработат сите дописници кои се на лисатата на МРТВ. Верувам дека со поддршката од ЗНМ и продолжување на заедничката соработка, ќе успееме да го реализираме сето ова“.

Во врска со хонорарните договори, беше кажано дека тие ќе бидат продолжени се до добивање на договорот за вработување во јавниот сервис.