Медиуми, слобода на говор и демократија

Проектот „Промовирање на заштита на новинарите и на етички и професионални стандарди во медиумите“ има за цел  да придонесе кон зголемување на безбедноста на новинарите онлајн и офлајн, да се намали бројот на заканите и нападите кон новинарите и медиумските работници во земјава.

Исто така, целта е да се зголеми јавната свест кај пошироката јавност за штетните ефекти од вербалните напади како што е говорот на омраза и секако да се крене свеста за физичките напади.

Идејата е преку видеата да се потсети јавноста да избегнуваат родово насочени навреди и да се илустрира важноста на улогата на професионалното новинарство во едно демократско општество и да се стави акцент на слободниот пристап до информации кој е од клучно значење за јавноста.

Првото видео со наслов „Медиуми, слобода на говор и демократија“ зборува токму за начинот како да се стигне до бараната информација.

Кампањата е реализирана со финансиска поддршка од Мисијата на ОБСЕ во Скопје.