Во рамките на проектот „Унапредување на дијалогот помеѓу новинарските здруженија и парламентите од Западен Балкан за посилен граѓански сектор” (Improving the dialogue between journalists’ associations and parliaments in Western Balkans for stronger civil society sector), финансиран од страна на Сида преку проектот „Заштита на граѓанскиот простор – Регионален центар за развој на граѓанското општество“ во реализација на Балканската мрежа за развој на граѓанското општество (BCSDN), и на проектот „Безбедни медиумски работници за квалитетно новинарство во Македонија“ (Safer Media Workers for Quality Journalism in North Macedonia) финансиран од Балканскиот труст за демократија (Balkan Trust for Democracy) преку Програмата за слобода на медиуми, Здружението на новинарите на Македонија отвори конкурс за изработка на шест новинарски истражувачки стории на тема: „ Слободата на изразување и унапредување на безбедноста и правата на новинарите и медиумските работници – помеѓу теоријата и практиката (или – помеѓу утопијата и прагматизмот)“.

Цел на конкурсот

Овој конкурс има за цел:

• Да се зголеми видливоста за клучните аспекти (добрите и лошите практики,  позитивни случувања, пречки и законски празнини) кои ја поддржуваат или ја попречуваат комуникацијата на новинарите и претставниците на законодавниот дом (пратеници, членови комисиски тела) за прашања од важност за слободата на изразување и безбедноста на новинарите
• Да се истакне потребата од подобрување на безбедноста и социоекономската состојба на новинарите и медиумските работници со фокус на родовата еднаквост, како предуслови за слободни и независни медиуми и демократски развој на општеството.

Кој може да аплицира на конкурсот?

На конкурсот може да аплицираат сите новинари од Северна Македонија без оглед на тоа дали во моментот имаат или не ангажман во медиум.

Услови

Сите стории треба да бидат изработени според највисоките професионални и етички стандарди и почитување на кодексот на новинарите, на македонски јазик и преведени на албански или на англиски јазик.

Финалната сторија треба да биде помеѓу 1.500 и 2.000 зборови.

Начин и рок на аплицирање

Заинтересираните новинари треба да го пополнат формуларот симнете тука во кој ќе ја образложат својата идеја и да го испратат на contact@znm.org.mk.

Рокот за аплицирање е 10 август 2021, до 24 часот ЦЕВ.

Избор

Изборот на оние новинари кои ќе бидат поддржани ќе го направи тричлена комисија составена од претставници на ЗНМ и надворешни соработници.

Насоките на истражувањето и спецификите на темата која ќе се обработува ќе биде утврдена во координација со ЗНМ.

Крајниот производ (текст) може да биде во поткрепен и со други новинарски форми: видео, подкаст и друго, при што предлозите со мултимедијален пристап ќе имаат предност при изборот.

Фонд

Фондот за надомест по авторски труд изнесува 15.400 денари бруто.