Избран претседател на Советот на чест при ЗНМ
Согласно правилникот за избор и работа на Советот на чест при ЗНМ, на 14.12 се одржа за конститутивна седница на ова управно тело. На средбата членовите на Советот на чест беа запознаени со Правилникот по кој треба да се раководат за време на идните активности, а посебно акцентирани беа членовите 45 и 46, токму заради нивното значење.
На состанокот, како претседател на Советот, едногласно беше избран Саше Димовски. По изборот за претседател, членовите дискутираа за идните активности и динамиката за работа на управното тело.
За членови на ова тело на Изборното собрание на 3-ти декември беа избрани новинарите Саше Димовски, Огнен Јанески, Емилија Мисирлиевски и Игор Стефановски.
Надлежноста на Советот е да се постапува по претставки за неетично постапување на член или потенцијален член на ЗНМ и прекршување на етички стандарди од страна на новинар.
