ЗНМ со конкретен предлог до Владата за Нацрт стратегијата за транспарентност 

Здружението на новинарите на Македонија (ЗНМ) достави коментари за Нацрт стратегијата за транспарентност на Владата на Република Северна Македонија. 

Предлогот кој што ЗНМ го достави до ЕНЕР за имплементација на водени жигови на соопштенијата, видеата и фотографиите кои се објавуваат од страна на службите за односи со јавност на институциите е со цел унапредување на транспарентноста односно  на кој начин да се направи јасна разлика помеѓу информации кои спаѓаат во доменот на јавна комуникација на јавни институции со медиуми наспроти информации од јавен интерес. 

Водените жигови би биле во форма на лого или симбол кои ќе асоцираат на Владата, конкретно министерство, друг орган кој е дел од јавните институции вклучувајќи ги и единиците на локалната самоуправа.    Сметаме дека на овој начин граѓаните би биле заштитени од пристрасни информации, а од друга страна медиумите би имале своја содржина во која автори ќе бидат новинарите и медиумските работници, наместо службениците од јавните установи. 

Очекуваме предлогот да биде прифатен од страна на Владата и имплементиран во новата верзија на Стратегијата за транспарентност со цел подобрување на условите за работа на новинарите и медиумските работници што долгорочно би значело послободно и попрофесионално известување од настани кои што се од интерес на граѓаните.  

Сите заинтересирани страни можат да достават свои предлози/коментари на следниот ЛИНК.