ЗНМ публикација: „14 Напади врз новинарите, 14 Бодежи врз демократијата“

Во публикацијата ,,14 Напади врз новинарите, 14 Бодежи врз демократијата“ се опфатени важните аспекти во контекст на безбедноста на новинарите и медиумските работници. Публикацијата е поделена во девет дела каде наовинарите споделуваат и лични искуства во случаите каде биле предмет на напад или биле под директни закани, како и реакцијата, односно непостапувањето на институциите во однос на заштитата на нивната безбедност.

Безбедноста на новинарите и медиумските работници е предуслов за професионалното вршење на новинарските обврски и за објективното и навремено информирање на граѓаните. Главните предизвици, кои со години се провлекуваат, се лошата економска положба на дел од новинарите, но и финансискиот притисок кон дел од медиумите од разни политички и бизнис-центри на моќ, како и обидите да се влијае врз новинарството на брутален начин, преку заканите за безбедноста врз новинарките и новинарите. Овој втор сегмент на овие два клучни елементи што ја претставуваат работата на новинарите е предмет на  опсервација во оваа публикација, како документ за едно време, кое ќе сведочи за односот на институциите кон овој проблем наспроти огромната жртва што ја даваат новинарите во битката со видливите и невидливите насилници.

Автори на публикацијата се новинарите Сунаи Сабриоски и Кристина Атовска, додека уредник на публикацијата е Драган Секуловски, Извршниот директор на ЗНМ.

Публикацијата бесплатно може да се превземе на три јазици на следниот линк Оваа публикација е изработена со финансиска помош на Европската унија. Содржината на оваа публикација е единствена одговорност на Здружението на новинари на Македонија и на никој случај не може да се смета дека ги одразува ставовите на Европската унија или на Европскиот фонд за демократија.