ЗНМ оствари средба со украински новинари

Cекретарот на Националниот синдикат на новинари на Украина Серхиј Шевченко и претседателката на Сеукраинската добротворна фондација „Новинарска иницијатива “Људмила Мех остварија средба со претседателот на Здружението на новинари на Македонија (ЗНМ) Младен Чадиковски.

На средбата беа разменети искуствата во однос на функционирањето и активностите на двете здруженија, а тема на разговор беа и актуелните проблеми со кои се соочуваат новинарите во двете земји. Се разговараше и за актуелните случувања во Украина како и за активностите на Националниот синдикат на новинари и Сеукраинската добротворна фондација „Новинарска иницијатива“  во насока на унапредување на новинарска солидарност и меѓусебното разбирање со колегите од земјава.

Претседателот Чадиковски потенцираше дека ваквите средби во иднина ќе имаат позитивни резултати и ќе дадат нов поттик за проширување на соработката на здруженијата во двете земји. И покрај воената состојба во Украина, новинарите од двете земји се заинтересирани за унапредување на меѓусебната соработка и зајакнување на солидарноста.

Преку онлајн комуникација на состанокот во Скопје, членот на извршниот одбор на Европската федерација на новинари, шефот на Украинската федерација на новинари Серхиј Томиленко им честиташе на новинарите и јавните личности од медиумската сфера во Македонија, и им се заблагодари за нивната солидарност во овие тешки моменти со Украина и ги покани своите колеги да го посетат Киев после војната.